Dashi
Përgatituni të kaloni një javë të shkëlqyer, fati do të jetë në anën tuaj. Me Hënën në shenjë, e mërkura, e enjtja dhe e premtja do të jenë ditë shumë të mbara. Gjatë atyre ditëve mund t’ju ofrohen mundësi që s’do të donit t’i humbnit. Gjithashtu mund të keni takime të paharrueshme… Bëni kujdes në aspektin sentimental që të mos veproni në mënyrë impulsive.
Demi
Venusi do të jetë në shenjën tuaj dhe pasioni do të arrijë kulmin. Sidomos në fundjavë do të përjetoni emocione të bukura në krah të një personi të veçantë për ju. Gjërat nuk do të ecin dhe aq mirë në aspektin profesional. Mund të ndjeni se nuk e keni mirëkuptimin e kolegëve, sidomos aty nga mesi i javës. Lërini gjërat e rëndësishme për të hënën dhe të martën, pasi do të jenë ditë me fat.
Binjakët
Me sa duket, këtë javë do të keni mosmarrëveshje në çift dhe vizione të ndryshme për të ardhmen. Me Venusin të kthyer në pozicion të papërshtatshëm, nëse doni të gjeni sërish qetësinë, duhet ta lini mënjanë krenarinë dhe të tregoheni të duruar. Në aspektin profesional ju presin lajme të shkëlqyera. Gjatë ditëve të mërkurë, të enjte dhe të premte do të arrini rezultate të larta. Të hënën dhe të martën do të ndiheni disi nervozë.
Gaforrja
Java do të fillojë në mënyrën më të mirë të mundshme. Të hënën dhe të martën Hëna do të pozicionohet në shenjën tuaj dhe një çështje e ndërlikuar më në fund do të marrë zgjidhje. Me Venusin në shenjë, gjithçka po ju ecën mbarë në aspektin e ndjenjave. Gjëra të bukura ju presin në fundjavë. Për beqarët parashikohen në këtë periudhë takime interesante.
Luani
Surpriza të bukura ju presin aty nga mesi i javës. E mërkura, e enjtja dhe e premtja do të jenë ditë të mbushura me emocione. Do të keni sukses si në aspektin profesional edhe në atë emocional, sepse dashuria nuk do t’ju mungojë. Mërkuri në shenjën tuaj do t’jua bëjë rrugën më të lehtë. Qëndrojuni besnikë objektivave tuaja dhe do të keni mbështetjen e planetëve. Në fundjavë mund të ndiheni pak të lodhur.
Virgjëresha
Java nuk do të fillojë në mënyrën më të mirë të mundshme për ju. E hëna dhe e marta do të jenë ditë të vështira dhe do të ndiheni në humor të keq për shkak të Hënës të kthyer në pozicion të pafavorshëm për shenjën tuaj. Ditët në vazhdim do të mund të rifitoni energjitë dhe sidomos në fundjavë do të përjetoni kënaqësi të mëdha. Me Venusin në shenjë, dashuria do të jetë protagoniste e jetës suaj.
Peshorja
Me përjashtim të ditës së mërkurë dhe të enjte, kur Hëna do të ndikojë që të ndiheni disi në humor të keq, kjo javë parashikohet të jetë plot me risi dhe surpriza të bukura. Mërkuri i kthyer nga shenja juaj do t’ju ndihmojë që të tjerët t’ju vlerësojnë për atë që jeni. Fundjava do të jetë e mbushur me argëtime. Gjithçka duket se shkon mirë në aspektin profesional. Të hënën dhe të martën mund të merrni lajme të mira.
Akrepi
Gjatë kësaj jave mund të kaloni momente të vështira në aspektin profesional. Falë pozicionimit të pafavorshëm të Mërkurit mund t’ju krijohen pengesa dhe do të ndieni se nuk keni aleatët e duhur në krah. Për fat, në aspektin sentimental gjërat do të ecin më mirë dhe do t’ju forcohet bindja se keni pranë vetes personin e duhur. Të shtunën dhe të dielën, për shkak të pozicionimit të pafavorshëm të Hënës, do të ndiheni disi në humor të keq.
Shigjetari
Ky nuk do të jetë një moment i thjeshtë për ju, për sa i përket ndjenjave. Falë pozicionimit të Venusit do të keni dyshime për dashurinë ndaj partnerit dhe do të vini në pikëpyetje lidhjen tuaj. E hëna dhe e marta do të jenë të mbushura me tension dhe do të jetë më mirë që t’i shmangni diskutimet me tone të larta. Aty nga mesi i javës ju presin surpriza të bukura, sidomos në aspektin profesional. E mërkura dhe e enjtja do të jenë ditë me fat.
Bricjapi
Falë pozicionimit të favorshëm të Venusit, ju do të ndiheni më të sigurt në aspektin sentimental. Kush ka nisur prej pak kohësh një lidhje dashurie, do të ketë bindjen se ka në krah personin e duhur. E hëna dhe e marta do të jenë ditë me fat. Edhe në fundjavë për beqarët parashikohen takime interesante. Bëni kujdes të mërkurën, të enjten dhe të premten, sepse mund të ndiheni disi nervozë.
Ujori
Duket se kjo periudhë, ku gjërat nuk po marrin zgjidhje, do të zgjasë edhe për pak kohë. Për shkak se Mërkuri është kthyer në pozicion të pafavorshëm për shenjën tuaj, rezultatet në aspektin profesional do të vonojnë të arrijnë. Ana pozitive e kësaj se do të keni kohën e nevojshme për të kuptuar se çfarë doni në të vërtetë. Merruni me gjërat e rëndësishme aty nga mesi i javës, sepse Hëna do të jetë e kthyer nga shenja tuaj. Mundohuni që në fundjavë t’i shmangni debatet me partnerin.
Peshqit
Falë Hënës të kthyer në pozicion të favorshëm gjatë ditës së hënë dhe të martë, ju do ta filloni javën të mbushur me energji. Përfitoni nga kjo periudhë për t’u përqendruar te vetja juaj. Venusin nuk do ta keni aleat dhe do të hasni vështirësi në aspektin sentimental. Por, do të gjeni forcë për t’i kapërcyer pengesat. Mos bëni panik, sepse nëse është e shkruar që lidhja juaj të zgjasë, ju do ta gjeni gjuhën e përbashkët.
