Më herët gjatë kësaj jave, interneti shpërtheu në aludime nëse Demi Lovato dhe G-Eazy janë rikthyer bashkë, disa javë pasi reperi njoftoi ndarjen nga e dashura Hasley.
Demi dhe reperi u fotografuan teksa largoheshin nga një diskotekë, mirëpo në foto nuk dallohej qartë fytyra e tij. Fansat në Twitter janë të bindur se nuk është G-Eazy, ai që mban dorën e saj, por gjithsesi thashethemet mbërritën në veshin e këngëtares Hasley dhe tashmë G-Eazy duhet t’i sqarojë…
Reperi u shfaq në tapetin e kuq të “2018 ESPY Awards” me një pamje krejtësisht të re. Pyetjes së gazetares për statusin e marrëdhënies së tij me ish-parteneren Demi Lovato, G-Eazy (tashmë bjond) u përgjigj se janë vetëm miq.
“Nuk ka asgjë mes nesh. Jemi vetëm miq të mirë” – u shpreh reperi i hitit “Him & I”.
Një javë më parë, Hasley përmes një postimi në “Instagram” njoftoi se ajo dhe G-Eazy i kanë dhënë fund historisë së tyre të dashurisë.
