Kur është fjala për trendet e çuditshme të thonjve që keni parë gjatë këtij viti, mund t’ju themi me plot bindje se: S’keni parë asgjë akoma!
Trendi më i fundit i thonjve që po e shohim gjerësisht në Instagram, është ai i thonjve të tejdukshëm, të njohur ndryshe si “jelly nails”.
Pamja e thonjve na kujton këpucët e tejdukshme të viteve ’90, që janë rikthyer sërish në modë.
Në fillim ishte Kylie Jenner që publikoi një foto të thonjve transparentë rozë, ndërsa tani në Instagram mund të gjesh mbi 4,000 postime me hashtagun #jellynails, duke u kthyer kështu në trendin e verës.
Për të krijuar këta thonj përdoret një zgjatje akrilike e tejdukshme për t’i bërë ato si një lloj xhami përmes të cilit mund të shohësh. Interesantë apo jo!
