Problemet shëndetësore detyruan reperin e njohur me origjinë shqiptare, Action Bronson, të heqë dorë nga koncertet që ishin planifikuar në korrik.
34-vjeçari gjithashtu nuk mund të bëhet pjesë e koncertit disa ditor që mbahet në Zvicër, “Open Air Frauenfeld”.
Menaxheri i tij njoftoi ditën e djeshme se, për shkak të dëmtimit të meniskut Action Bronson ka anuluar që gjithë turneun e tij në Europë.
Ai shtoi se reperit me origjinë shqiptare i duhen 4 deri në 6 javë për t’u rimëkëmbur.
“Ai është shumë i zhgënjyer që nuk mund të performojë para fansave të tij europian këtë verë”, shkroi menaxheri.
Reperi, emri i vërtetë i të cilit është Ariyan Arslani, parashikohej të ishte në listën e këngëtarëve që do të performonin në koncertin “Sunny Hill” të Dua Lipës që do mbahet në Prishtinë. Tashmë pritet një njoftim nga ana e manaxherit për pjesëmarrjen e tij.
Burimi: Tagblatt
