Kreu i qeverisë shqiptare, Edi Rama tha se ardhja e refugjatëve në vendin tonë është një lajm i rremë dhe nuk ka asgjë të vërtetë.
Në një fjalim për sheshi “Skënderbej”, Rama adresoi të gjitha shqetësimet për ndërtimin e kampeve për refugjatët sirianë në vendin tonë
‘Kritikët e quajtën një projekt kriminal të bazuar te ethet e një fitimi marramendës për shkak se sheshi nuk do ishte gjë tjetër veçse një zonë e aktiviteteve ekonomike të atyre që do të përfitonin nga pushteti për të ndërtuar në shesh një Pazar. Ka qenë një nga mijëra lajmet e rreme që e bënë Shqipërinë djep të fake-news. Ka qenë një lajm i rremë njësoj siç është sot lajmi për kampin e refugjatëve, apo të tjera lajme të rreme të cilat i dëgjojmë të përhapen dita-ditës’.
Rama tha se problemi i Shqipërisë nuk është buka dhe uria, por shumë probleme të tjera që kanë të bëjnë me fëmijët, me të moshuarit, me gjithë mundësinë për të pasur akses për zhvillimin individual dhe familjar.
