Opinioni publik u shokua ditën e sotme nga një ngjarje tragjike në qytetin e Durrësit, ku djali plagosi me thikë nënën dhe babanë e tij në banesë.
I papunë, Hajri Neziri ka nisur një debat me të atin Destan (75 vjeç) si dhe nënën e tij Asije Neziri (64 vjeç), mbi pronësinë e shtëpisë private në lagjen Nr.17/1 në qytetin e Durrësit. Debati përshkallëzoi në dhunë në familjen me origjinë nga Dibra, pasi 25-vjeçari plagosi me thikë prindërit e tij. Ata janë shoqëruar menjëherë në spital dhe raportohet se janë në gjendje kritike për jetën.
Ndërsa autori i krimit Hajri Neziri u arratis për disa orë dhe më pas u vetëdorëzua në Komisiariat së bashku me nusen e tij. Sipas burimeve të “Panoramës”, Hajri Neziri ka bashkëpunuar me nusen për të kryer krimin makabër. Policia po punon për zbardhjen e plotë të ngjarjes.
