Një ngjarje tragjike ka ndodhur pasditen e së hënës në Pittsburg. Reperi i njohur Jimmy Wopo është qëlluar me armë zjarri dhe pas plagëve të rënda ai nuk ka arritur të mbijetojë duke humbur jetën në spital.
Reperi 21-vjeçar po udhëtonte së bashku më një mashkull tjetër në një makinë të bardhë Mazda kur u qëllua me armë rreth orës 4:22 në lagjen “Middle Hill”. Ndërsa Jimmy nuk arriti të mbijetonte shoku i tij është në gjendje të mirë shëndetësore.
Lajmin e ndarjes nga jeta të reperit 21-vjeçar e dha menaxheri i tij nëpërmjet në postimi në Facebook.
“Kam humbur vëllain tim sot dhe është ndjenja më e keqe në botë. Ai ishte i destinuar për të qenë i madh dhe donte më të mirën për miqtë, familjen dhe komunitetin e tij. Ne kemi humbur një njeri të madh sot, por unë e di se do të bëj gjithçka me fuqinë time për ta kujtuar gjithmonë atë. Të dua vëllai im.”, shkruan në postimin e tij në Facebook, Taylor Maglin.
Zëdhënësja e Policisë së Pittsburg-ut tha se tashmë kanë filluar hetimet mbi vrasjen e reperit të njohur. Policia konfirmoi se në makinën e tij, në dritaren anësore nga krahu i shoferit u gjendën dy vrima plumbi.
Kujtojmë që ditën e djeshme bota e muzikës u trondit edhe nga një vrasje tjetër. Reperi XXTentacion u qëllua me armë të hënën pasdite në Miami.
Burimi: Daily Mail
