Ariana Grande shpalli fejesën me Pete Davidson vetëm pak ditë më parë. Pas kësaj këngëtarja nuk ka hezituar të tregojë edhe unazën e saj me diamante e cila ka kushtuar 93 mijë dollarë.
Dhe tani sipas burimeve të afërta me të, duket se këngëtarja 24-vjeçare po planifikon dasmën me partnerin e saj.
“Ajo gjithmonë ka ëndërruar të martohet dhe dëshironte që vëllai i saj Frankie ta shoqëronte drejt altarit. Gjithashtu ajo dëshiron që qentë e saj të përfshihen disi në ceremoni” – tha burimi.
“Us Weekly” raportoi se çifti ka filluar t’u tregojë njerëzve se do të marrë hapin tjetër të rëndësishëm dhe mbase shumë shpejt do të martohen.
Burimet pranë tyre kanë treguar se ata ndihen shumë të afërt pasi kanë kaluar disa ngjarje tragjike të ngjashme në të kaluarën.
