Për ish-Miss Shqipërinë, Adrola Dushi, kanë nisur telashet. Modelja e suksesshme shqiptare dhe një ndër femrat më të adhuruara në vendin tonë është viktima e radhës nga hacker-at, pasi dikush duket se ka përvetësuar llogarinë e saj në Instagram.
Nëse do të futeni në Instagram dhe do të kërkoni me emrin e Adrolës, rezultati do të jetë si më poshtë.
Personi në fjalë ka marrë nën kontroll adresën e modeles me gati 200 mijë ndjekës dhe ka nisur të bëjë video live, por nuk ka zbuluar asgjë në lidhje me identitetin e tij. Kujtomë që vetëm pak kohë më parë edhe këngëtares Fifi iu vodh profili i saj i Instagram-it e po ashtu edhe reperit Stresi.
