Një ndër futbollistët më të njohur spanjoll, Cesc Fabregas i ka dhënë fund beqarisë pas një lidhjeje disa vjeçare me të dashurën e tij, Daniella Semaan. Lajmin e bukur të martesës e dha vet futbollisti i njohur nëpërmjet një postimi në Instagram.
“Sapo u martova me vajzën e ëndrrave të mia. Një shikim flet sa 1 mijë fjalë”, shkruan Cesc në përshkrimin e fotos ku shfaqet së bashku me bashkëshorten e tij.
Gjithashtu edhe Daniella ka bërë një postim në Instagram ku tregon se është martuar me mashkullin që adhuron.
“Sapo u martova me këtë mashkullin që adhuroj”, shkruan ajo krahas fotos ku shfaqet në ceremoninë e dasmës.
Çifti e organizoi ceremoninë e dasmës në hotelin Cilveden House në Berkshire dhe gjithçka ishte e përsosur deri në detajet më të vogla.
Fabregas ka tre fëmijë nga lidhja me Semaan, ndërsa gruaja e tij ka edhe dy fëmijë të tjerë nga një lidhje e mëparshme që ka patur, të cilët ishin të pranishëm në dasmë.
