Reperi dhe aktori i njohur Ludacris u martua në vitin 2014 me Eudoxie Mbouguiengue dhe sot ata janë prindër të një vajze 3-vjeçare. Nëpërmjet një statusi në Instagram Eudoxie ka zbuluar se si humbi fëmijën e saj të dytë në fillim të këtij viti.
Në ditën e ditëlindjes së saj ajo publikoi në Instagarm një foto të saj dhe të bashkëshortit për të bërë zbulimin e dhimbshëm të humbjes së fëmijës së saj të dytë.
“Kam pasur një abort dhe kisha nevojë për ndërhyrje kirurgjikale. Ishte shumë e lehtë të ankohesha dhe të tregoja keqardhjen, por nuk pranova të më ndodhte kjo. Qëndrova besnike dhe lutesha. Kam kaluar orë të tëra duke u fokusuar në shumë mënyra që Zoti më ka bekuar.”, shkruan bashkëshortja e Ludacris.
40-vjeçarja vazhdoi të shpjegojë se ajo nuk duhet të ankohej pasi tashmë është nënë e një vajze dhe për këtë përpiqet të jetë shumë mirënjohëse.
“Besimi im është testuar shumë herë gjatë gjithë jetës time, por unë jam vetëm duke u forcuar. Jeta nuk do të vazhdojë gjithmonë siç është planifikuar dhe mbajtja e një qëndrimi pozitiv dhe mirënjohës do të sjellë bekime gjithnjë e më të mëdha, ” thotë ajo ndër të tjera.
“Zot Faleminderit për këtë jetë. Faleminderit për familjen dhe miqtë e mi të bukur që kanë qenë kaq mbështetës. Faleminderit për një vit tjetër!”, përfundon ajo rrëfimin e saj.
Përveç vajzës së tij me Mbouguiengue, Ludacris është gjithashtu babai i 2 vajzave nga marrëdhëniet e tij të mëparshme, Karma, 16 vjeçe dhe Cai, 5 vjeç.
Ai gjithashtu postoi të njëjtën foto në Instagram-in e tij për të uruar bashkëshorten për ditëlindjen e saj.
Burimi: Daily Mail
