Këngëtari Devis Xherahu ka publikuar së fundmi këngën e tij më të re me titull “Ëmbël ti më pe” me muzikë të Genti Myftaraj dhe tekst të Marly dhe Santi. Këngetari ishte i ftuar në një bisedë me gazetaren Rudina Magjistari në televizionin “Klan”, për të promovuar klipin e tij më të ri. Por teksa moderatorja Rudina Magjistari e prezantonte, këngëtari pranoi me humor se është i martuar prej kohësh me besniken e tij, kitarën.
“Jam i martuar me kitarën, Rudina” – u shpreh Devis Xherahu.
“Prandaj nuk po martohesh ti, se qenke i zënë”- iu përgjigj me humor moderatorja shqiptare.
Këngëtari Devis Xherahu është në një lidhje dashurie me Ertemiona Mejdani, ish-Miss Shqipëria në vitin 2009. Ajo jeton mes Hong Kong-ut dhe Shqipërisë, për shkak të angazhimeve të saj si modele. Por duket se këngëtari e ndjen shumë mungesën e partneres së tij.
“Unë nuk ndërhyj në karrierën e saj. Por një ditë i thashë se do ia shkul veshin se po bën mungesa. Po të sjell kartonin e verdhë. Unë dy të dashura kam në jetë, Erionën dhe kitarën” – u shpreh Devisi.
