Dashi
Falë pozicionimit të favorshëm të planetit Mërkur, kjo parashikohet të jetë një javë përgjithësisht e mbarë për të lindurit në shenjën e Dashit. Falë pranisë së Venusit në shenjë situata në aspektin sentimental parashikohet të jetë e mirë. Ndërsa Marsi në shenjën tuaj do t’ju dhurojë gjallëri dhe energji, sidomos në fundjavë.
Demi
Gjatë kësaj jave, të lindurit e shenjës së Demit do të mund ta marrin veten nga lodhja. Në aspektin profesional do të mund t’i jepni zgjidhje diçkaje që ju mundonte prej kohësh. Do t’ju duhet të prisni dhe pak përpara se fati t’ju buzëqeshë në dashuri. Duke filluar nga dita e diel, falë pranisë së Mërkurit në shenjë, situata në aspektin sentimental do të ndryshojë për mirë.
Binjakët
Kjo do të jetë një javë shumë e mbarë për të lindurit në shenjën e Binjakëve në aspektin sentimental. Nuk do të mungojnë adhuruesit dhe do të thyeni shumë zemra. Sidomos ditën e diel parashikohet një takim i ëmbël për ju. Nuk parashikohen ndryshime të mëdha në aspektin profesional këto ditë. Por, me kalimin e Marsit në shenjën tuaj në datën 13 do të ndiheni energjikë dhe të gatshëm për të vepruar.
Gaforrja
Edhe kjo javë do të jetë disi e vështirë për të lindurit në shenjën e Gaforres. Do të ndiheni të lodhur dhe në humor të keq, dhe kjo për shkak të ndikimit negativ të Marsit dhe Saturnit. Gjendja nuk parashikohet më e mirë dhe në aspektin sentimental. Për fat, me kalimin e Mërkurit në shenjën tuaj më datë 13, situata do të ndryshojë për mirë.
Luani
Falë pozicionimit të favorshëm të Venusit në shenjën e Luanit, kjo do të jetë një javë shumë e favorshme për në aspektin sentimental. Ata që po përjetojnë një lidhje dashurie mund ta çojnë atë një hap para dhe të kalojnë në bashkëjetesë. Kjo është java e favorshme për të ndërmarrë iniciativa të reja në aspektin profesional, sepse Mërkuri është në shenjën tuaj dhe do të vazhdojë kështu deri ditën e diel.
Virgjëresha
Kjo nuk do të jetë një javë shumë e mbarë për të lindurit në shenjën e Virgjëreshës në aspektin sentimental. Për shkak të pozicionimit të pafavorshëm të Venusit, shpeshherë do të keni mosmarrëveshje me partnerin. Është e këshillueshme që t’i shmangni zënkat. Do të hasni vështirësi edhe në aspektin profesional, megjithatë falë kalimit të Marsit në shenjë më datë 13, do të mund t’ia dilni mbanë.
Peshorja
Edhe për këtë javë parashikohen vështirësi për të lindurit e shenjës së Peshores në aspektin profesional edhe në atë personal. Për shkak të vendosjes së Mërkurit në pozicion të pafavorshëm për këtë shenjë, duket se gjërat nuk ecin ashtu si pritej. Pritet që gjendja të fillojë të ndryshojë në datën 13. Këshillohet që të kujdesni më shumë për fizikun tuaj.
Akrepi
Kjo do të jetë një javë e mbarë në aspektin profesional për të lindurit në shenjën e akrepit, falë pozicionimit të favorshëm të Mërkurit në shenjë. Do të jeni të favorizuar edhe në marrëdhëniet me të tjerët qoftë në punë, qoftë në familje. Ditën e diel Mërkuri do të largohet nga shenja juaj, ndaj përpiquni gjatë kësaj jave t’u jepni zgjidhje çështjeve të mbetura pezull dhe të merrni në konsideratë propozimet që mund t’ju bëjnë.
Shigjetari
Për fat të keq, Venusi do të vazhdojë të jetë në pozicion të pafavorshëm për shenjën tuaj edhe për këtë javë. Përpiquni që t’u shmangeni sa më shumë debateve me partnerin. Situata në planin profesional është mjaft e mirë dhe nuk do të mungojnë bashkëpunimet frytdhënëse. Marsi do të kalojë në pozicion të favorshëm për shenjën e Shigjetarit ditën e ditën dhe ju do të ndiheni më energjikë.
Bricjapi
Kjo do të jetë një javë mjaft e qetë në aspektin sentimental për të lindurit në shenjën e Bricjapit. Venusi është në pozicion të favorshëm për shenjën tuaj, prandaj kjo është periudha më e përshtatshme për t’u sqaruar me partnerin. Në aspektin profesional do të hasni disa vështirësi, por falë pozicionimit të ri të Mërkurit më datë 13 gjendja do të ndryshojë për mirë.
Ujori
Falë pozicionimit të favorshëm të Venusit dhe Mërkurit, kjo parashikohet të jetë një javë e mbarë për të lindurit në shenjën e Ujorit. Gjendja do të jetë në përgjithësi e qetë dhe nuk do ta keni më atë ndjenjën e dyshimit që keni pasur në këtë periudhë. Situata në aspektin profesional parashikohet të jetë gjithashtu e mirë.
Peshqit
Për fat të keq edhe kjo parashikohet të jetë një javë e vështirë për të lindurit në shenjën e Peshqve. Falë pozicionimit të pafavorshëm të Venusit në shenjë gjërat nuk kanë ecur dhe aq mbarë në aspektin sentimental, aq sa keni vënë në pikëpyetje lidhjen tuaj. Mos e dramatizoni gjendjen, sepse kjo është thjesht një periudhë kalimtare. Ditën e diel Mërkuri do të kalojë në shenjën tuaj, duke favorizuar takime dhe risi.
