New York, Parisi dhe Londra mund të dominojnë kur flitet për modën, jetën e natës apo argëtimin. Por një tjetër qytet është cilësuar si vendi më i mirë në botë për të jetuar.
Kryeqyteti i Austrisë, Vjena, mundi 229 qytete të tjera duke marrë titullin në sondazhin e 18-të të Mercer për cilësinë e jetës.
Ai ndiqet më pas nga Zyrihu, në Zvicër me vendin e dytë dhe Zelandën e Re, me kryeqytetin Auckland në vend të tretë.
Aksesi në kujdesin shëndetësor, cilësia e edukimit, strehimi dhe faktorët mjedisor u morën të gjithë në konsideratë nga ekipi i Mercer, një nga firmat më të mëdha botërore të konsulencës HR.
Rezultati i studimit, më i ploti në llojin e tij, u përdorën nga korporatat ndërkombëtare për të vlerësuar se sa e sigurt është që të dërgojnë punonjësit e tyre në një qytet të caktuar.
Shtatë nga 10 vendet me cilësinë më të mirë të jetës janë në Europë dhe afër gjysma e tyre në Gjermani. Munih, Dyseldorf dhe Frankfurt u radhitën në vendin e katërt, të gjashtë dhe të shtatë.
Kryeqyteti danez, Kopenhagën, i cili u quajt së fundmi ndër vendet më të lumtura në botë për të jetuar, u radhit në vend të nëntë.
Pavarësisht jetesës së lartë, Gjeneva u radhit në vend të tetë. Ndërsa rezidentët e qytetit zviceran, ndër më të pasurit në botë, përfitojnë standarde të larta edukimi dhe kanë pak krime. Ndërsa Sidnej, në Australi, renditet në vend të 10-të.
Ndërkohë që kryeqyteti shqiptar, Tirana renditet në fund të listës, në vendin 179. Bagdadi është në fund të listës, duke u cilësuar si qyteti më i keq për të jetuar, ndërkohë që Londra, Parisi dhe New York nuk renditen as në 35-she.
Burimi: The Guardian
