Këngëtari me origjinë nga Vlora Viktor Tahiraj rrëfeu në emisionin “Rudina”një histori tronditëse. Tahiraj, i njohur për këngët e tij në vitet 90’, pas një aksidenti të ndodhur në Itali, kishte pësuar vdekje klinike. Në ato çaste, këngëtarit i është shfaqur nëna e tij.
Ja si e tregon ai: “Ishte data 28 mars, koiçidencë sepse në 28 mars ishte dita e mbytjes së anijeve në Vlorë në ’97. Ishte pikërisht 28 marsi i 2010 kur unë lashë punën dhe po ikja për në shtëpi. Në rrugën time futet një makinë dhe më bie përballë. Në momentin që u përplasa, mbylla sytë dhe përpara meje u shfaq nëna ime. Ka qenë vdekje klinike. ‘Të keqen nëna si je’, më tha. ‘Pa merak jam mirë’, i thashë. Unë e dua shumë nënën time, por nga ai moment unë e thërras perëndi”.
Viktor Tahiraj njihet për këngën e tij më të spikatur “Vlora jonë”, si dhe bashkëpunimin me Aleksandër Gjokën dhe Manjola Nallbanin.
