Pippa Middelton, motra e vogël e dukeshës Kate Middelton është në pritje të fëmijës së saj të parë.
Sipas raportimeve të “The Sun”, Pippa dhe bashkëshorti i saj James Matthews tashmë u kanë dhënë lajmin e bukur të shtatzënisë miqve dhe familjarëve të tyre. Sipas këtij burimi, Pippa është në muajin e tretë të shtatzënisë.
“Kur Pippa mori vesh që ishte shtatzënë, ajo padyshim që ishte e emocionuar dhe plot gëzim”, tha burimi për “The Sun”, duke theksuar se çifti i njohur gjithmonë e ka shprehur dëshirën për një fëmijë.
Sipas “The Sun”, Pippa, lajmin e bukur të shtatzënisë, pasi ia ka thënë bashkëshortit, e ka ndarë menjëherë me motrën, Kate Middelton dhe familjarët e saj. Kujtojmë që Kate është duke pritur fëmijën e saj të tretë dhe nga dita në ditë mund të lindë. Ajo është një ndër personat që u gëzua më shumë që së shpejti do të bëhet teze.
Pippa dhe James u lidhën fillimisht në fund të vitit 2012, por u ndanë pas disa muajsh. Çifti u pajtua në fund të vitit 2015 dhe njoftoi për lidhjen e tyre në verën e vitit 2016. Më pas, ata u martuan me një ceremoni të mrekullueshme në maj të vitit 2017.
Burimi: Cosmopolitan
