Nëse ju nuk keni mundësi që të ndryshoni shpesh ngjyrën e flokëve apo të shkoni çdo muaj në sallonet e bukurisë, pasi janë të kushtueshme, e kuptojmë që jeni të frikësuara që të lyni flokët vetë në shtëpi.
Por eksperti i flokëve, Pepper Pastor, jep disa këshilla se si mund ta arrini këtë në mënyrë profesionale.
1.Si të zgjidhni bojën?
Mos u trondisni nga dyqanet dhe bojërat e pafundme për flokët.
“Kursejini vetes kohë dhe para për të gjetur fillimisht se çfarë doni të arrini”, thotë Pastor.
Menaxhoni pritshmëritë tuaja dhe fokusohuni te ndryshimi i ngjyrës dhe jo tek flokët e modeleve, kur të zgjidhni nuancat.
Mos harroni: Ngjyrat e përhershme janë më të mirat për të mbuluar thinjat, por ato shkëlqyeset janë më të mirat për të ndriçuar, bjondet mund të bëhen bionde luleshtrydhe me një shkëlqim të kuq, brunet mund të gjallërohen me një shkëlqim bjond.
2.Si ta kuptoni që ju duhet një profesionist?
Nëse po e ndryshoni ngjyrën e flokëve nga dy në tre nunaca, apo doni të provoni mjetin për nxjerrjen e fijeve, shtoni refleksin e kuq apo keni fundet e flokëve shumë të dëmtuara, atëherë besojani këtë punë profesionistëve dhe lini një takim.
3.Si t’i ndani flokët siç duhet?
“Ndarja e flokëve në mënyrën e duhur para se të aplikoni bojën është vendimtare që ato të lyhen tërësisht”, thotë Pastor.
Ndajini flokët në katër pjesë dhe kuadrate, si dhe fiksojini me kapëse. Para se të aplikoni bojën, aplikoni pak vaj livando ose ulliri në fundet e flokëve.
4.Si ta aplikoni bojën?
Përdorni një tas dhe një furçe për të lyer flokët. Lyrini me radhë të gjitha seksionet duke i kushtuar rëndësi. Lyrini seksionet nga rrënjët fillimisht dhe poshtë, ndërsa kushtojini më shumë rëndësi flokëve përreth fytyrës.
5.Si të shmangni njollat?
Flokët e dëmtuar e thithin bojën dhe krijojnë disa njolla. Masazhoni flokët tuaj me maska javore dhe sa më pak shampo që të jetë e mundur.
“Kur keni flokë të dendur, duhet t’i lani flokët sa më rrallë”, thotë Pastor.
6.Si t’i menaxhoni gabimet?
Për të rregullura një ngjyrë që është shumë e errët ose shumë e hapur, krijoni një pastë me pak shampo dhe një pjesë zbardhues pluhur. Kriheni atë në flokët e lagur dhe lajnini kur të shihni se ngjyra po ndryshon.
Burimi: Marie Claire
