Pas largimit nga studioja muzikore On Record, Mozzik publikoi klipin e parë që u prit mjaft mirë dhe madje arriti deri në 7 mln klikime në Youtube.
Kënga “Madam” me një klip mjaft atraktiv, ku shfaqej reperi me të dashurën, rrëmbeu zemrat e adhuruesve pas një mungese të tij në tregun muzikor.
Por shumë shpejt On Records ndërpreu suksesin e jashtëzakonshëm të kësaj kënge duke e fshirë nga Youtube, për të drejtat e autorësisë:
Kjo solli reagimin e menjëhershëm të reperit i cili shkruan: T’ju vijë turp!
Studioja muzikore është ende në proces gjyqësor me dy vëllezërit Mozzik dhe Getinjon, pas largimit të këtyre dy të fundit dhe prishës së njëanshme të kontratës.
Vëllezërit formuan edhe labelin e tyre “2 Euro Records”, por as me këtë lëvizje nuk arritën të sigurojnë videot e tyre në YouTube.
Mbetet të shihet nëse kthehet ky videoklip, ndërkohë që Getinjo brenda pak ditësh do të publikojë klipin e ri që titullohet “50”.
