Dyshja e njohur, Zayn Malik dhe Gigi Hadid mund të jenë rikthyer përsëri bashkë. Këto aludime nisën pasi ditën e mërkurë Zayn u pa pranë apartamentit të Gigi-t në New York.
Por nuk përfundon këtu, pasi 25-vjeçari u rikthye në apartamentin e tij të enjten në mëngjes dhe mbante të veshura të njëjtat rroba. Pikërisht ky detaj i nxiti të gjithë të mendojnë se me shumë mundësi Zayn ka fjetur nga Gigi.
Jo vetëm kaq, por pak pasi Zayn u largua, Gigi pëlqeu një nga fotot e tij në Instagram, çka na bëri të dyshojmë se ata i kanë rregulluar marrëdhëniet mes tyre dhe me shumë mundësi janë rikthyer bashkë.
Zayn na befasoi të gjithëve teksa në 13 mars dha lajmin e ndarjes nëpërmjet një postimi në Instagram. Dyshja e njohur ka pasur një lidhje 2-vjeçare dhe kanë qenë një ndër çiftet më të dashura për publikun.
Burimi: Daily Mail
