Ishte një lidhje disi e shkurtër, por që do të mbahet mend gjatë.
The Weeknd dhe Bella Hadid u ndanë në vitin 2016 pas gati dy vjetësh së bashku. Por mesa duket, dyshja ka gjasa të rikthehet sërish, pasi është kapur mat në momente intime në festivalin Coachella gjatë fundjavës.
US Weekly shkruan se çifti ndezi pasionin e vjetër duke shkëmbyer puthje me njëri-tjetrin, jo njëherë por disa herë.
“Ata ishin mbi njëri-tjetrin. U puthen disa herë dhe më pas Kylie dhe Kendall Jenner shkuan në tryezën e tyre për pak”.
Burimi tha se çifti nuk po i fshihte ndjenjat teksa ‘ishin ulur në prehrin e njëri-tjetrit gjatë gjithë natës’.
Pas këtyre lajmeve fansat menjëherë kanë nisur të dyshojnë nëse kënga “Wasted Times” e The Weeknd, është për Bella-n.
Bella dhe The Weeknd kanë qenë të lidhur për më shumë se dy vjet para se të ndaheshin në nëntor 2016, kur këngëtari nisi lidhjen me Selena Gomez.
Megjithatë modelja nuk ishte e vetmja femër që u pa afër këngëtarit në Coachella. Ai u pa nën shoqërinë e DJ shumë seksi, Chantel Jeffries. Tani po që u bëmë konfuzë!
