“Faleminderit që më çove në burg!” Historia e të riut që pinte dhe dhunonte të atin

Historia e 33-vjeçarit Rigelsi dhe babait të tij nuk është një situatë e padëgjuar më parë në Shqipëri. Ai kishte zgjedhur që t’i kërkonte falje të atit përmes emisionit “Ka një mesazh për ty” tek “E diela shqiptare”.

Rigelsi tregoi se e kishte nisur alkoolin që 14 vjeç dhe nuk hoqi dorë prej saj edhe kur u martua e u bë me fëmijë.

Lexo edhe :

Çfarë do të bëjnë me 100 mijë euro? Ja si përgjigjen finalistët e Big Brother VIP 5

20:36 18/04/26

“Kishim planifikuar një dasmë madhështore”/ Juela Nikolli rrëfen momentet e vështira të vdekjes së të fejuarit: Shtrëngoja dhëmbët që të mos qaja

20:03 18/04/26

Pija ishte edhe shkaku që e kishte dërguar njëherë deri në pikën që të ushtronte dhunë ndaj të atit, Ibrahimit.

I vëllai e denoncoi dhe Rigelsin e dënuan me 9 muaj burg. Ishte kjo koha kur 33-vjeçari reflektoi dhe hoqi dorë nga vesi.

Gjatë kësaj kohe i ati nuk kishte shkuar ta takonte dhe para se t’i kërkonte falje, i biri e falënderoi që e kishte dërguar në burg. E gjithë situata e bëri Rigelsin të kuptonte, sa vuajtje kishte shkaktuar nga vesi.

Pasi e fali i ati u bëri thirrje prindërve se, vesi i alkoolit nuk hiqet me asgjë tjetër, përveçse me vullnetin e vet personit.