Këngëtari Butrint Imeri u përfol gjatë në mediat online për një lidhje të mundshme me moderatoren simpatike Kiara Tito, për shkak të komenteve të dyshimta që ata i linin njëri-tjetrit në Instagram.
Madje u tha se ai i kishte kushtuar këngën e tij më të suksesshme “Bella”, e cila pa diskutim është shndërruar në hit.
Por lidhja mes këngëtarit Butrint Imeri dhe moderatores Kiara Tito duket se ka marrë fund, ende pa u konfirmuar si e tillë.
Ka qenë Butrinti ai që mori i pari vendimin e papritur, duke mos e ndjekur më Kiarën në ‘Instagram’, ndërkohë që moderatorja vazhdonte ta ndiqte.
Ndoshta kjo është një strategji e dyshes për të vijuar lidhjen e tyre në fshehtësi, duke qenë se vetëm pak kohë më parë, ata u fotografuan në një lokal të Prishtinës.
Ose thjesht çifti i ka dhënë fund lidhjes pa u bërë publike dhe ndoshta kjo ka qenë një ndër arsyet përse ata nuk dëshironin ta ndanin me fansat.
