Kur nuk e di si t’i përgjigjesh një pyetjeje gjatë një interviste, heshtja mund të duket tronditëse. Madje mund të dëshironi që të kishit magjinë të zhdukeshit. Por mos u shqetësoni, mbani mend këto këshilla herën tjetër kur ju drejtohet një pyetje e vështirë.
1.Qetësohu
Para së gjithash, gjëja më e rëndësishme për të bërë është të qëndrosh i qetë. Nëse fillon të frikësohesh, trupi juaj do të fillojë të reagojë. Për shembull, presioni i gjakut do të fillojë të rritet dhe zemra do të rrahë më shpejt. Sapo të fillojë stresi, nuk do të mund të mendosh qartë dhe mund të përgjigjesh pa u menduar. Merr frymë thellë dhe thoji vetes se është në rregull të mos e dish përgjigjen e pyetjes. Thjesht duhet ta kalosh këtë situatë; nuk ka asgjë që mund të bësh për t’i ndryshuar gjërat, por duhet të qëndrosh i qetë për të gjetur përgjigjen e duhur.
2.Mos thuaj menjëherë “Nuk e di”
Nuk duhet t’i thuash intervistuesit se nuk e di përgjigjen, pa e shqyrtuar atë. Por nuk duhet të sajosh gjëra, sepse intervistuesi e kupton shumë mirë.
3.Bëj pyetje
Ndoshta është pyetja që nuk kuptoni. Pyete intervistuesin për të sqaruar atë që tha, për të parë nëse mund të marrësh më shumë detaje, që do të ndihmojnë ta kuptosh.
4.Tregoji intervistuesit atë që di
Nëse ke ndonjë njohuri për pyetjen, atëherë tregoji intervistuesit atë që di për situatën.
5.Thuaji se do ta gjesh përgjigjen
Edhe nëse nuk e di përgjigjen, mund t’i tregosh intervistuesit hapat që do të duhet t’i kalosh për të marrë përgjigjen. Intervistuesit bëjnë pyetje të vështira, sepse duan të shohin se cili është procesi juaj i të menduarit. Ndonjëherë, procesi i mendimit mund të jetë më i rëndësishëm se sa përgjigjja. Ata duan të shohin që mund të marrsh iniciativën dhe ke burimet për të dalë me një zgjidhje. Ndërsa përpiqesh të gjesh zgjidhjen, mund të pranosh që nuk di pjesë të caktuara; në këtë mënyrë, ti del i ndershëm dhe ai e kupton që nuk po përpiqesh ta mashtrosh.
6.Dërgoji një e-mail pas intervistës
Mund të jetë shansi yt i dytë. Mundohuni të flasësh për përgjigjen, por ji i ëmbël. Dhe sigurohu që të kujtosh vetëm gabimet që intervistuesi vuri re, jo ato që nuk i dalloi. Mos shkruaj: “Më vjen keq që nuk e di përgjigjen për këtë pyetje”. Në vend të kësaj, tregoji se pas shumë kohe, ke arritur të gjesh disa zgjidhje që mund të funksionojnë për problemin.
