Ditët e fundit kryefjalë e mediave rozë ka qenë sulmi i 4 personave ndaj reperit Fero. Një çështje kjo që po diskutohet ende pas hakmarrjes që Fero ka bërë ndaj 4 personave që e rrahën.
Ditën e djeshme është kërcënuar publikisht edhe Noizy.
“Pas Feros e ke radhën ti”, shkruan një komentues në një ndër fotot e Noizy-t në “Instagram”.
Reagimi i Noizy-t pas këtij komenti ishte i menjëhershëm dhe aq i prerë saqë personi që e ka kërcënuar e ka fshirë komentin e bërë në foton e reperit.
“Fshi buzët se i ke me qumësht”, ia ka kthyer Noizy.
Të shumtë ishin ata që e përkrahën Noizy-n duke e komplimentuar për përgjigjen e dhënë, por midis tyre spikati edhe Oriola Marashi. Modelja e njohur e ka pëlqyer menjëherë komentin e Noizy-t duke shprehur në këtë mënyrë mbështetjen e saj ndaj reperit.
