Sekreti i një vetulle të bukur është të krijosh iluzionin e një vetulle të trashë para se të fillosh përdorimin e lapsit. Për fat të mirë, ka një zgjidhje: përdorimi i sapunit.
Teknika nuk është e re, por është shumë e thjeshtë: ka qenë gjithmonë një truk i zgjuar për të gjithë artistët e grimit, për të mbuluar qimet që rriten dhe pushin e fytyrës.
Ndërsa tani, blogerët e bukurisë në Instagram e kanë propozuar përdorimin e sapunit për një metodë të re që krijon iluzionin e vetullave më të gjata e më të plota.
“Sapuni është një mënyrë mjaft efektive, me kosto shumë të ulët dhe një xhel perfekt sa herë të mungon apo të është tharë xheli i zakonshëm. Ashtu si xheli që mban lart flokët, sapuni ngurtëson vetullat duke i mbajtur ato në drejtimin që janë krehur”, thotë Alyssa Anderson, make up- artiste.
Më poshtë keni një video që demonstron sesi ta përdorni sapunin për vetullën.
