Romanca e tyre, e cila nisi me shoqëri, i mbijetoi kohës dhe muzika ishte një nga gjërat që e bashkoi më shumë çiftin.
Mbi 10 vite më parë, Miriam Cani ishte e angazhuar me interpretimin e rolit të Roxie Hart në musical “Chicago”, ndërsa Alban Skënderaj, një mik i saj në atë kohë (që ia kishte prezantuar i ati), e ndiqte më ëndje gjatë shfaqjes dhe pyeste veten nëse miqësia e tyre do të mund të ishte më intensive.
Ishte një dashuri e lindur mes dy miqve të mirë, madje ata nisën të takoheshin më shpesh. Derisa erdhi natyrshëm koha kur, në njërin prej atyre takimeve romantike, në shoqërinë e një vere të mirë, mundën të shprehnim më lirshëm ndjenjat për njëri-tjetrin.
Albani dhe Miriami e kanë treguar disa herë të njëjtën histori, por me emocione të ndryshme në kohë të ndryshme.
Së fundmi këngëtarja ndau një nga momentet e hershme në “Instagram”, duke kujtuar një situatë me Albanin 10 vjet më parë.
Në atë kohë, ajo vazhdonte të drejtonte në Gjermani programin për të rinj “E Clips New Talent Show”, ndërsa Albani ishte i ftuari i programit për të rrëfyer fillimet e veta në muzikë:
“Kur bënim sikur nuk njiheshim. 10 vite më parë në programin tim “E Clips New Talent Show”, shkruan Miriam pas publikimit të kësaj videoje.
