Prej disa kohësh Xhensila dhe Besi po përfliten se së shpejti do të bëhen prindër. Vetëm pak ditë më parë një burim për “Iconstyle.al” konfirmoi se këngëtarja është në muajin e pestë të shtatzënisë dhe së shpejti do të sjellë në jetë një vajzë.
Ndërsa ditën e djeshme disa fansa të këngëtares publikuan edhe pamjet e para të barkut të saj të rrumbullakosur që pavarësisht veshjeve “oversize” nuk mund ta fshehë më. Shtatzënia tashmë është një fakt i pamohueshëm që po pret vetëm konfirmimin zyrtar të çiftit.
Dje Besi dhe Xhensila ishin në Firence dhe këtë na e bëri të ditur vet çifti nëpërmjet një video të postuar në “Instastory”. Një video gazmore që e ka bërë Xhensilën të ndihet “xheloze”.
Aktori i humorit shfaqet me një pjatancë me perime dhe ndihet shumë i lumtur. Në një moment ai puth një domate, e cila dihet nga të gjithë që është perimja e tij e preferuar. Ndërsa Xhensila shkruan se ndihet “xheloze” për mënyrën se si ai e trajton domaten.
