Modelet e Victoria’s Secret lavdërohen për trupat e tyre të hollë, atletikë, që shpesh janë rezultat i regjimeve të lodhshme, stërvitjeve dhe gjeneve.
Sidoqoftë, për 26-vjeçaren Bridget Malcolm, arritja e trupit “të përsosur” nuk ishte një gjë e mirë. Ajo ka njoftuar se ka hequr dorë nga dieta, nëpërmjet një postimi të sinqertë.
“Në gusht të këtij viti bëra një premtim,” shkruan ajo, “Është koha për të bërë paqe me trupin tim”.
Malcolm shpjegoi sesi fshiu fotot e palestrës nga llogaria e saj në Instagram, të cilën ajo më parë e kishte përdorur si shënues të “përparimit”.
Pas 12 vjetësh që e ka kufizuar veten nga ushqimi dhe ka punuar intensivisht në përpjekje për t’u “ngritur” për hir të karrierës së saj, bukuroshja bionde zbuloi se më në fund ka “ndaluar së fajësuari veten” dhe që prej asaj kohe po rishikon të gjithë qasjen e saj ndaj dietës dhe stërvitjes.
“Nuk mund t’ju them sa herë shkoja në shtrat me mendimet që më vinin vërdallë, duke u përpjekur në heshtje të kuptoja sesa hëngra në darkë, ose gjatë ditës, ose duke u përpjekur për të bindur veten të ndryshoja dietën time, filloja të stërvitesha përsëri fort, të tmatesha dhe të bëja sa më shumë”.
