Ai puthi një vajzë dhe nuk i pëlqeu! Një konkurrent në “American Idol” gjatë prezantimit të tij në konkurs tregoi se, nuk ka qenë asnjëherë në një marrëdhënie me një femër dhe se ende nuk e kishte dhënë puthjen e parë.
Trajnerët u shokuan nga kjo deklaratë e Benjamin Glaze dhe Katy Perry menjëherë u hodh në aksion, për t’i bërë “nderin e madh”.
Ajo i tha 20-vjeçarit se kishte ndër mend ta puthte dhe këmbënguli që ai të afrohej. Teksa po bënin shaka me djaloshin, këngëtarja e famshme arriti t’i rrëmbente një puthje në buzë, duke e vënë atë në siklet.
Më vonë gjatë një interviste për “New York Times”, Benjamin u shpreh se, nuk ishte i lumtur nga kjo situatë.
“Doja ta ruaja për të dashurën e parë dhe ky duhet të ishte një moment shumë i veçantë për mua. A do ta bëja nëse ajo do të më pyeste, “Do të më puthesh mua”? Jo, do t’i thosha jo. Doja që puthja ime e parë të ishte e veçantë”, tha ai.
Nëse do të mund ta kthente kohën pas, Benjamin Glaze nuk do të lejonte që Perry t’i bënte presion për ta puthur dhe sa i përket kësaj ngjarje ai është penduar që e lejoi të ndodhte.
Burimi: Daily Mail
