Pas monologut të Mustafa Nanos lidhur me veshjet e dy moderatoreve shqiptare të emisioneve sportive, Bora Zemani dhe Ilda Bejleri, ka pasur shumë reagime.
Gazetarja Rudina Xhunga ishte kundër këtij monologu ndërsa u shpreh në emisionin “Provokacija” se nëse do të ishte e nevojshme do ta tregonte gjoksin.
“Emisioni im ishte politik. Unë do pyesja politikanin. E merrja vëmendjen në një debat pyetjet. Kërkoja vëmendjen nga fjalët, sepse arma ime ishte në fillim naiviteti si drejtuese, më pas kurioziteti nga pyetjet dhe pastaj gradualisht përvoja. Nuk kam pasur nevojë të nxjerr gjoksin. Por nëse do ishte e nevojshme do e bëja”, tha ajo.
Më tej, ajo shtoi se janë pikërisht këto vajza që bëjnë të shikohen emisionet sportive dhe se i duartroket të gjitha për atë që bëjnë.
“Në mendjen time kalojnë të gjitha vajzat e sportit, bukuroshe që i kanë dhënë hijeshi ekranit. Janë të padurueshëm të gjithë ata pensionistët që flasin për futbollin dhe Realin e Madridit e që nuk kanë bërë një gol në jetën e tyre. Shyqyr që janë këto goca që të shikohen emisionet sportive. Unë i duartrokas një për një të gjitha ato. Janë të shkëlqyera”, u shpreh Xhunga.
