Sa vjeç ishe kur të erdhën periodat e para?!
Shumica e studimeve tregojnë se ardhja e menstruacioneve para moshës 12-vjeçare mund të lidhet me probleme shëndetësore gjatë jetës.
Këtu janë shtatë çështje shëndetësore të lidhura me periodat e hershme:
1.Kanceri i Gjirit
Femrat që kanë gjakderdhjen e parë para moshës 12 vjeçare kanë 50 për qind më shumë gjasa për t’u prekur nga kanceri i gjirit krahasuar me ato që i kanë nisur periodat në moshën 16 vjeçare. Studimi shpjegon se puberteti i hershëm shoqërohet me ekspozimin ndaj hormoneve që estrogjenit që nxisin kancerin e gjirit.
2.Menopauza e Hershme
Studimi i publikuar në revistën Human Reproduction në vitin 2017 zbuloi se gratë që kishin periodat e para në moshën 11 vjeçare ose më të reja kanë një rrezik prej 80 për qind më të lartë për të kaluar në menopauzë para moshës 40 vjeçare (menopauzë e parakohshme) dhe një rrezik prej 30 për qind më të lartë të menopauzës midis moshave 40 dhe 44 (menopauzë e hershme), krahasuar me gratë që u vijnë periodat ndërmjet moshës 12 dhe 13-vjeçare.
3.Sëmundjet e zemrës
Gratë që raportojnë periodat e tyre të para moshës 12 vjeçare kanë 10 për qind më shumë gjasa të përjetojnë sëmundje të zemrës sesa ato që u vijnë periodat pas moshës 13 vjeçare.
4.Osteoporoza
Për disa gra, periodat e hershme do të thotë nivele më të larta të estrogjenit. Kjo do të thotë një rrezik më i ulët i osteoporozës. Megjithatë, nëse periudha juaj e hershme çon në menopauzë më herët, rreziku juaj për osteoporozën mund të rritet në një mënyrë të ndjeshme. Studiuesit kanë arritur në përfundimin se nëse kaloni 25 vjet me menstruacione në vend të 35 vjet ose më shumë, ju keni një rrezik më të madh të osteoporozës.
5.Kanceri i vezoreve
Gratë që i kanë pasur periodat e tyre të hershme kanë pasur shumë më shumë gjasa të vuajnë nga kanceri i vezoreve në krahasim me ato që u kanë ardhur më vonë.
6.Diabeti
Një studim i 13.308 grave i publikuar në revistën “Diabetologia” gjithashtu tregon se gratë që kanë perioda të hershme kanë më shumë gjasa të zhvillojnë diabetin e tipit 2. Sipas studiuesve, nivelet e larta të yndyrës trupore shkaktojnë perioda të hershme, dhe për pasojë diabet.
7.Infertiliteti
Gratë që kanë iu kanë ardhur periodat herët janë të prirura për të pasur rezerva të ulëta funksionale ovariane, që do të thotë se keni më pak vezë në rritje për fertilizimin e mundshëm.
