Fashionistja Armina Mevlani po bashkëjeton prej kohësh me Shkëlzen Berishën, dashurinë e madhe të jetës së saj.
E ftuar në emisionin “Chic”, Armina foli për herë të parë për planet e martesës. Ajo ka treguar se nuk do të presin gjatë për të bërë ceremoninë e martesës.
“Nuk është se do të presim shumë, e kemi bërë një plan, thjesht po presim momentin që të ndjehemi të dy të qetë për ta bërë këtë, nuk duhet të jemi të nxituar”, është shprehur Armina.
E rëndësishme për të është fustani që do të veshë ditën e dasmës, prandaj ajo ka nisur që tani që të flasë me markat e njohura:
“Jam në komunikim me markat e njohura. Mund të jetë pas 1 ose 3 vitesh. Dua ta bëj mirë, ndaj edhe kam nisur komunikimet për këtë gjë tani”.
