Ajo nuk është një emër i pa dëgjuar për ne. E kemi parë në rolin e balerinës si pjesë e trupës së Albi Nakos, por edhe si velinë e emisionit “Stop”.
Alba Hoxha nëpërmjet një postimi në “Instagram” na ka lajmëruar se tashmë do ta shohim edhe në rolin e prezantueses. Balerina e njohur do të jap motin në televizionin Klan.
“Të dashur miq. Ndjej kënaqësinë të ndaj me ju, angazhimin tim më të ri televiziv që TV Klan më besoi. Do të takohemi bashkë çdo ditë, në TV Klan ora 16:00, 20:00 si dhe 23:30 për t’u njohur me të rejat e motit në vend dhe Europë. Ndjehem shumë e bekuar për këtë projekt të ri. Shihemi”, ka shkruar Alba në video-n e postuar në “Instagram”.
Kujtojmë që Alba nuk është e para balerinë apo velinë që ka zgjedhur të bëhet prezantuese në televizion. Marina Vjollca, Luana Vjollca, Viola Spiro etj. dikur kanë qenë velina, por sot janë ndër prezantueset më të ndjekura.
