“Ezeli” është një ndër serialet turk më të ndjekur në Shqipëri. Të gjithë e kujtojmë Ejshanin, një ndër personazhet kryesorë të këtij seriali, që sa e kemi dashur aq edhe e kemi urryer. Cansu Dere, të cilën ne e njohim me emrin e personazhit Ejshan, është një ndër aktoret turke më të bukura.
Në një intervistë të dhënë kohët e fundit Ejshan ka zbuluar se dikur ajo ka qenë balerinë dhe modele.
“Të dy këta profesione i kam adhuruar, por kur isha balerinë nuk më eci pasi më thoshin që isha tepër e gjatë për atë profesion. Kur u bëra modele mu ndalua nga qeveria që të merrja pjesë në ‘Miss Globe’, pasi në atë kohë zhvillohej në Qipro”, rrëfeu aktorja 33-vjeçare.
Ejshan tregoi gjithashtu se i pëlqen të shpenzoj më shumë për libra se sa për veshje.
“Unë nuk dua të dal nëpër qendra tregtare dhe të shpenzoj për veshje, më mjafton të shpenzoj për një libër. Dhe mund të them që për mua bukuria nuk ka qenë bekim, por mallkim”, ka thënë aktorja e njohur duke na befasuar të gjithëve.
Gjithsesi ne nuk e dimë nëse ky zhgënjim i aktores lidhjet me zhgënjimet e saj në karrierën artistike apo në dashuri.
