Kim Kardashian West ka zbuluar të gjitha pikat e forta dhe të dobëta të motrave të saj, në një intervistë për revistën Vogue India.
Kur është fjala për motrën Khloé, ylli 37-vjeçar tha se e vlerëson qëndrimin e saj të tipit “S’më plas fare”, por ajo mendon se 33-vjeçarja po bëhet shumë e ndjeshme.
Kim tha se motra e madhe Kourtney është ‘e aftë me financat’, por pranoi se 38-vjeçarja është shumë ‘kokëfortë’.
Për vëllain e saj, Rob, Kim tha se 30-vjeçari ka një ‘ndjenjë të madhe humori’.
Sa i përket nënës së saj, Kris Jenner, Kardashian nuk mundi të thoshte asnjë të metë: “Asgjë. Ajo është e përsosur”.
E pyetur për gjysmë-motrën e saj, Kendall Jenner, Kim vlerësoi “ëmbëlsinë” e modeles 22-vjeçare, por tha se do të dëshironte ‘të largonte ankthin e saj’.
Kim gjithashtu u shpreh se pëlqen aftësinë e Kylie Jenner për të marrë përsipër iniciativa duke mos i interesuar se çfarë mendojnë njerëzit e tjerë, por dëshiron që 20-vjeçarja të mos e përdorë shumë moton “Nuk më intereson, e di atë që po bëj”.
