Aurela Gaçe dhe Sidrit Bejleri kanë lumturuar dje një ndër fanset e tyre më të mëdha. Emisioni “Shqiptarët për shqiptarët” në “News 24” ka përlotur jo vetëm Aurelën dhe Sidritin, por çdo shqiptar që i ka ndjekur.
36-vjeçarja Lindita nga Berati vuan prej 13 vitesh nga një sëmundje e rëndë. Ajo u diagnostikua me kancer dhe sëmundja i mori këmbën e majtë. Pas kurimit sëmundja i është rishfaqur sërish dhe Lindita kërkoi ndihmë nga emisioni për të gjetur një shtëpi afër spitalit “Nënë Tereza” për të vazhduar kurimin e saj.
Linditës iu plotësua dëshira, por përveç shtëpisë mori edhe një surprizë të bukur që i përloti të gjithë. Ndërkohë që po merrte mjekimin e radhës në spital, në dhomën e saj mbërritën dy “mjekë”. Aurela Gaçe dhe Sidit Bejleri të veshur si mjekë vizituan “pacienten” e tyre speciale.
“Unë nuk marr vesh shumë nga këto punë, por kam ardhur për një tjetër gjë”, tha Aurela ndërkohë që u afrua për t’i matur tensionin.
Në atë moment Lindita e njohu këngëtaren dhe shpërtheu në lot gëzimi. Pas Aurelës edhe Sidrit hoqi maskën, dhe reagimi i Linditës na la të gjithë pa fjalë.
