Gigliola është fansja e tij më besnike, ndërsa gjithmonë është pjesë e audiencës në shfaqjet teatrale ku luan Amos Zaharia. Çifti është në një marrëdhënie prej thuajse 3 vitesh, por dje u shfaqën për herë të parë bashkë në një studio televizive.
Gjatë emisionit “Pasdite në Top Channel”, ata folën për lidhjen e tyre, por edhe për marrëdhënien e dy kunatave, Gigliola dhe Elia.
“Elia është natyrë e thjeshtë, shkojmë shumë mirë, kalojmë shumë orë bashkë dhe unë i shijoj pa fund kujtimet e tyre të fëmijërisë. Është një ndër pjesët më të bukura ajo e kujtimeve të fëmijërisë me Amosin”, është shprehur Gigliola.
Ndërsa momentin më të bukur ajo kujton atë të dasmës së Elias, ku kunatat i jepnin këshilla njëra-tjetrës.
E pyetur rreth marrëdhënies me Yllka Mujon, ajo ka treguar se janë shumë të lidhura dhe se ndihet e privilegjuar, që është ”nusja” e një prej aktoreve më të mëdha të kinematografisë dhe teatrit shqiptar.
