Ish-Guvernatori Ardian Fullani ka qenë një ndër personat më të përfolur në 2015-n, pas vjedhjes së 713 milionë lekëve nga Banka e Shqipërisë. Pas zbulimit të skandalit ai u akuzua për shpërdorim detyre, prej të cilës doli i pafajshëm.
Dje ish-Guvernatori festoi 63-vjetorin dhe një ndër urimet më të veçanta për të me siguri ka qenë ai i të birit, Erik Fullani.
Në ditëlindjen e të atit, ai vendosi të rrëfente për ndjekësit lidhur me raporton që ka me të dhe tiparet e tij të personalitetit që nuk i dinit.
“Kam lindur me fatin më të madh në botë që jam çuni jot. Do ta kem për nder gjithë jetën që të jem djali i Ardian Fullanit. Çdo ditë e shpenzoj duke u munduar të të bëj krenar bab. Të bëhem si ty bab, një shok i mirë si ty, një njeri i drejtë si ty, me besim të madh në Zot si ty, një burrë me familjen si ty, mirënjohës si ty, trim e sedërli si ty. Të ruaj mbiemrin dhe traditat e shtëpisë sonë të madhe siç bënë të parët tanë. Gëzuar ditëlindjen!”, ka përfunduar ai.
Erik na tregoi shumë virtyte të të atit, të cilat duket se mund t’i njihni vetëm nëse bëheni miku i tij.
Burimi: Instagram
