Trashëgimtarja më e pasur në botë, Paris Hilton i dha fund beqarisë së saj vetëm pak ditë më parë. Pas propozimit me një unazë 2 milionë dollarëshe nga i dashuri i saj Chris Zylka, Hilton tha “PO”.
Një unazë me gurë diamanti që çdo femër e ka zili, por është bërë e ditur se ajo ka punësuar një roje për të mbrojtur këtë unazë.
Mesa duket biznesmenia e famshme e ka mendjen vetëm tek unaza e martesës, të cilën e shfaqi me krenari edhe në “Golden Globes” ndërsa pak orë më pas braktisi pa dashur të fejuarin e saj.
Teksa po dilte nga aeroporti i Los Angeles turma e gazetarëve i është vërsulur për ta pyetur rreth martesës kështu që me shumë nxitim ajo ka hyrë në makinën e saj dhe është larguar duke harruar Chris-in që po e ndiqte nga pas. E gjithë kjo ngjarje qesharake është xhiruar nga gazetarët që ndodheshin përreth ndërsa tani po bën xhiron e internetit.
Nuk kaluan shumë minuta dhe ajo është rikthyer për ta marrë të dashurin e saj, të cilin e la në mes të rrugës. Më pas Paris është shprehur se shoferi i saj u shpërqendrua nga fotografët dhe nisi makinën, pasi në të vërtetë nuk e harroi dashurinë e jetës së saj.
Burimi: Daily Mail
