Festat e fundvitit po përfundojnë, keni ngrënë dhe pirë mjaft dhe do të dëshironit që t’i ktheheni mënyrës së shëndetshme të jetës. Me këto pesë këshilla të thjeshta filloni me pastrimin edhe të jashtëm edhe të brendshëm të organizmit tuaj që tani!
1. Fërkojeni shtresën sipërfaqësore të lëkurës
Me fërkimin e shtresës sipërfaqësore të lëkurës me furçë të zakonshme do të ndihmoni shpejtimin e qarkullimit të gjakut, gjë që do të përmirësojë pamjen e lëkurës suaj. Për fytyrë lehtësisht mund të përdorni edhe maskë pilingu. Parimi është i tillë që me furçë trupi në të thatë fërkojeni lëkurën tuaj çdo ditë. Në këtë mënyrë do të keni lëkurë të shëndetshme dhe të shndritshme, por njëkohësisht edhe do të përshpejtoni procesin e eliminimit të toksinave nga organizmi.
2. Ujë, ujë, ujë…
Pastrimi i brendshëm kërkon zvogëlimin e ushqimit kalorik dhe të yndyrshëm, por edhe alkoolin. Për fillim, ditën do të duhej ta fillonit me një gotë ujë të vakët me lëng të freskët të një limoni. Ta filloni mëngjesin me këtë pije tashmë të verifikuar është veprimi më i mirë në çdo detoksifikim. Veç kësaj, nuk kërkon kurrfarë mundimi të madh dhe pikërisht për këtë shkak është i përsosur për fillim, të cilin mund ta praktikoni që tani.
3. Pemët si përbërës kryesorë të menysë
Jepni trupit tuaj pushim nga ushqimi i rëndë dhe i yndyrshëm, duke përfshirë edhe mishin, pa të cilin asnjë festë nuk mund të kalojë. Gjatë kohës së detoksifikikimit në menynë tuaj duhet të jenë probiotikët, smoothi, supat e perimeve të gatuara në shtëpi dhe natyrisht – perimet. Për një kohë të shkurtër menyja juaj le të jetë e përbërë nga perimet e gjelbra – lulelakra, spinaqi, sallatat…
4. Hidhni vajra eterikë në vaskën tuaj
Hidhni 6 – 8 pika vaj eterik (më i mirë është vaji i limonit) në vaskën tuaj në mënyrë që të nxisni detoksifikimin e efektshëm. Pas dushit mund të merrni 2 – 4 pika të të njëjtit vaj për masazhin tuaj të detoksifikimit.
5. Ushtrimet trupore
Edhe pse janë të fundit në listë, me siguri nuk janë më pak të rëndësishme. Ushtrimi trupor është ai faktori x i cili, pikërisht tërë detoksifikimin do ta bëjë më të suksesshëm.
Nëse nuk jeni në ndonjë formë të kënaqshme, për fillim shëtisni apo mësoni se çfarë të mirash ju sjell – joga!
