Aktorja amerikane Olivia Wilde është bërë objekt diskutimesh në rrjetet sociale pas paraqitjes së saj në Festivalin Ndërkombëtar të Filmit në San Francisko, ku u vërejt një ndryshim në pamjen e saj fizike që ka tërhequr vëmendje të madhe.
Gjatë eventit, ajo u shfaq në promovimin e filmit The Invite, ku një video e saj duke folur për projektin është shpërndarë gjerësisht në platformën X, duke nxitur reagime të shumta nga përdoruesit. Disa prej tyre kanë komentuar dukshëm dobësimin e saj, ndërsa të tjerë kanë debatuar mbi arsyet e mundshme të këtij ndryshimi.
Olivia Wilde looks like a medical cadaver came to life. Ozempic is ruining women. pic.twitter.com/qvHEXZKoej
— Royce Lopez (@hippojuicefilm) April 28, 2026
Në festival, Wilde kishte zgjedhur një stil minimalist: një fund të gjatë dhe të gjerë të kombinuar me një bluzë të bardhë të shkurtër, që theksonte linjat e saj të trupit. Pamja e saj, e shoqëruar edhe me një grim më të theksuar rreth syve, ka shtuar më tej diskutimet online.
Në rrjetet sociale janë ngritur teori të ndryshme, duke filluar nga spekulimet për përdorimin e medikamenteve që lidhen me humbjen e peshës, deri te opinionet se ndryshimi mund të jetë thjesht natyral dhe i lidhur me stilin e jetesës apo moshën.
Megjithatë, Wilde njihet prej kohësh për përkushtimin ndaj aktivitetit fizik dhe një stili jetese të shëndetshëm, duke mbetur një figurë e ndjekur si në ekran ashtu edhe në media.
