Ne e shohim Vitin e Ri si një shans për të filluar një periudhë të re, të bukur dhe të pastër. Gjëja e fundit që duam të bëjmë është ta nisim me këmbë të gabuar ndaj dhe u përmbahemi disa supersticioneve të çuditshme.
Thellë thellë, të gjithë e dimë se supersticionet nuk e drejtojnë jetën tonë. Por nëse doni të jeni tepër të kujdesshëm këtë Vit të Ri, këtu janë 10 supersticionet më të zakonshme që ndiqen anembanë botës, për të pasur një vit sa më të mbarë.
1.Të puthësh dikë në mesnatë
Ky është supersticioni më i njohur në mbarë botën: Nëse nuk puth dikë në mesnatë, do të jesh e pafat në dashuri për të gjithë vitin. Mos u ngushëlloni te horoskopi pastaj…
2.Të hash bizele dhe perime jeshile
Me sa duket, të hash bizele ju sjell fat të mirë, dhe të hash zarzavate ju sjell prosperitet financiar.
3.Sigurohu që gotat mos të jenë bosh
Nëse Viti i Ri të gjen me gota bosh, ashtu do t’ju ecë i gjithë viti. Sigurohuni ta keni tryezën dhe pjatat plot, por edhe gardërobën, kështu që është koha për të shkuar në pazar!
4.Mos nxirr asgjë nga shtëpia
Nxjerrja e gjërave jashtë nga shtëpia juaj – si plehrat apo ndonjë gjë që do të dhurosh – do të thotë që do t’i humbni gjërat gjatë vitit të ardhshëm. Bëjeni këtë gjë para pragut të Vitit të Ri ose duke filluar nga 2 janari.
5.Hap të gjitha dyert para mesnatës
Pak para mesnatës, duhet të hapësh dyert për të lënë pas vitin e vjetër dhe për të mirëpritur Vitin e Ri. Gjithashtu është një ide e mirë për të larguar aromat e gatimeve dhe gjelit të detit. Kështu do të bësh dy punë në një.
6.Ha 12 kokrra rrushi në mesnatë
Një për çdo muaj të Vitit të Ri, për t’ju sjellë fat të mirë. Ose thjesht hajini sepse ju pëlqen shumë rrushi.
7.Mos nxirr asnjë lek nga xhepi
Në mënyrë të ngjashme, mos paguani asnjë kredi ditën e fundit të vitit. Mbajini kuletat tuaja të mbushura për të sjellë fat të mirë me paratë. Borxhet duhet t’i lani para se të mbërrijë viti i ri, por mos i lëni në ditën e fundit.
8.Nëse je beqar/e shko pranë një lumi ose liqeni
Nëse je beqar/e, në ditën e fundit të kremtimit të Vitit të Ri, shko në një lumë, liqen ose oqean dhe hidh fruta si një mënyrë për të tërhequr një bashkëshort të mirë. Pas çdo pjese frutash që hidhni në ujë, shprehni një dëshirë dhe kërkoni një partner të përsosur dashurie. Në Kinë, gratë hedhin portokall në ujë dhe burrat hedhin mollë.
9.Vish diçka në ngjyrë të kuqe
Vishni të kuqe për të festuar dhe për të mirëpritur Vitin e Ri. Nëse nuk dëshironi të mbani një veshje të kuqe, përdorni të brendshme të kuqe. E kuqja është një ngjyrë e lumtur që i sjell personit që e vesh atë një të ardhme të ndritshme dhe me diell.
10.Largo mjetet e mprehta nga tryeza
Zhdukini të gjitha mjetet e mprehta, të tilla si gërshërë, thika dhe brisk rroje. Këto artikuj mund të presin me shpejtësi fatin e një personi në shumë pjesë dhe konsiderohen shumë pafat për Vitin e Ri kinez.
