E kthyer tashmë në një traditë, edhe këtë vit në sheshin “Skënderbej” do të mbahet një koncert i madh festiv natën e ndërrimit të viteve. Këngëtarët më në zë të muzikës së lehtë shqiptare do të performojnë për disa orë në shesh dhe së bashku me qytetarët e Tiranës do të presin ndërrimin e viteve.
Bashkia e Tiranës ka njoftuar se koncerti festiv do të nisë në orën 22.30 të së dielës dhe do të vijojë deri në orët e para të 2018-s.
Këngëtarët që do të jenë të ftuar të këndojnë natën e ndërrimit të viteve janë: Ronela Hajati, Kastro Zizo, Elhaida Dani, Tiri & Band, Beatrix Ramosaj, Elgit Doda.
Gjithashtu do të ketë edhe shumë surpriza dhe do të ndahen dhurata për qytetarët.
