Ka vetëm pak kohë që është pjesë e televizionit shqiptar, por Fatma Methasani njihet si një nga vajzat më të shkathta në media.
Në një intervistë për Panoramën, Fatma rrëfehet që e kuptoi se ishte e famshme vetëm kur një polic i fali gjobën. Madje ajo shton se gjyshet e lagjes sa herë e shohin i thonë se nuk është aq e gjatë sa del në televizor.
“Kuptova që isha e bërë e famshme kur një polic më fali gjobën, dhe më kërkoi të bëja një video për vajzën e tij. Po ashtu kur shkoja të blija bukë, gjyshet më thoshin: “ Qyqe ti je ajo shala 2 metra në televizor, sa e shkurtër qenke kështu”. Dhe që atëherë nuk dal më pa krehur flokët nga shtëpia”.
Përsa i përket jetës private Fatma ngurroi të shprehej duke e lënë ende të paqartë nëse është dikush në jetën e saj.
“Unë bëj miqësi me të gjitha portalet që mos më nxjerrin lajme.Por nuk besoj që jam në një fazë të jetës ku njerëzve ju intereson se çfarë po bëj unë me jetën personale. E kam kohën të mbushur me shumë gjëra, dhe më duket vetja më e dashuruar se kurrë”, tha ajo.
Burimi: Panorama
