Herën tjetër, që motra të rrëmben ushqimin apo të vë në siklet, faleni shpejt. Në fakt, ndoshta duhet ta falënderoni.
Hulumtimet nga Universiteti De Montfont dhe Universiteti Ulster pretendojnë se të paturit e një motre ju bën më të lumtur dhe më optimistë.
Në studim morën pjesë 571 të rinj të moshave nga 17 deri në 25 vjeç dhe zbuloi se ata që u rritën me motra kishin më shumë gjasa të ishin të lumtur.
Pjesëmarrësit plotësuan pyetësorë psikologjikë për të vlerësuar një sërë çështjesh, duke përfshirë shëndetin mendor dhe pikëpamjen pozitive.
Rezultoi se motrat nxisin vëllezërit dhe motrat e tyre të ishin më të hapur dhe komunikues për ndjenjat e tyre, gjë që sipas studiuesve nxit shëndetin e mirë mendor.
“Motrat duket se inkurajojnë më shumë komunikimin në familje. Megjithatë, vëllezërit duket se kanë efekt alternativ. Shprehja emocionale është thelbësore për shëndetin e mirë psikologjik dhe të paturit motër e promovon këtë në familje. Mund të ndodhë që djemtë kanë tendencë të natyrshme që të mos flasin për gjërat. Me djemtë është si një komplot për të mos folur. Vajzat priren ta thyejnë këtë”, thotë profesor Tony Cassidy.
