Ndërsa nuk ka vendosur të prononcohet për shtatzëninë, Kylie Jenner vazhdon që të jetë më e përqendruar në biznesin e saj të bukurisë.
20-vjeçarja, e cila ka hapur prej pak kohësh linjën e saj, “Kylie Cosmetics”, i ka vendosur secilës nuancë të buzëkuqeve një emër të veçantë.
Siç shihet nga fotoja e postuar së fundmi në “Instagram”, një prej nuancave e ka quajtur “sherbet”. Ndonëse si fjalë prejardhjen e ka nga turqishtja , nuk kishte si të mos na bënte përshtypje.
Shqiptarët s’mund ta përshkruajnë më mirë ëmbëlsinë e diçkaje përveçse me fjalën “sherbet”.
“E ëmbël si sherbeti”, shkruan Kylie krah fotos.
Në fakt kjo fjalë ka kuptime të ndryshme në shtete të ndryshme.
Në Amerikë me këtë fjalë i referohen një ëmbëlsire të ngrirë me shije të ndryshme frutash, me qumësht, të bardhën e vezës dhe xhelatinë.
Në Britaninë e Madhe i referohen një pije të ëmbël të përbërë me lëng frutash të të holluar me ujë dhe akull.
