Një grua nga Kalifornia ka bërë një deklaratë të rëndë ndaj një personazhi publik, por pa deklaruar emrin e tij. Një emër i famshëm është akuzuar se ka përdhunuar asistenten personale dhe është ekspozuar ndaj virusit HIV. Nëse kjo është e vërtetë, atëherë do të ishte skandali i fundit më shokues që vjen nga Hollivudi këtë vit.
Viktima ka bërë padi për personin në fjalë duke thënë se shefi e ka përdhunuar teksa ajo punonte për të, shkruan TMZ.
Sipas tekstit të padisë, për të mbrojtur identitetet e tyre gruaja ka pseudonimin Jane Doe dhe mashkulli David Doe, duke thënë se personi në fjalë nuk kishte përdorur prezervativ.
Burimet e TMZ e lidhnin çështjen me një person të famshëm, por nuk dhanë identitet. Jane Doe, emri i saj jo i vërtetë, është përshkruar si një “nënë beqare” dhe David Doe, gjithashtu emër i rremë, thotë se “ka përdorur pushtetin e tij” mbi të. Madje ajo thotë se ai ka bërë seks pa dëshirën e saj dhe madje qeshte kur ajo kundërshtonte.
Për t’i përkeqësuar gjërat, sipas doktorëve, mashkulli kishte refuzuar të përdorte masa mbrojtëse, ndërsa mësohet se ishte mbartës i virusit HIV. Kjo mësohet pasi një nga partnerët e tij të mëparshëm ka thënë se ka dalë pozitiv me këtë virus. Jane Doe u shpreh se ai e kishte paralajmëruar që të bënte testin.
Burimi: TMZ
