Alketa Vejsiu bëri dje xhiron e mediave me lajmin që do të largohet nga Shqipëria. Kjo ndodhi pas një fotoje që postoi Alketa në “Instagram” në ambientet e gjigandit “Mediaset” dhe urimit nga regjisorja Vera Grabocka.
Menjëherë pas kësaj ka reaguar Alketa, e cila e ka përgënjeshtruar këtë lajm. Prezantuesja e famshme ka treguar nëpërmjet një postimi në “Instagram” se nuk do ta braktisë as Shqipërinë dhe as Klanin, për më tepër ajo premtoi se në shkurt do të vijë me një patentë të re televizive.
“Nuk do ta lë as Shqipërinë as Klanin! Së shpejti në Klan vijmë me një tjetër patentë në muajin shkurt! Por premtoj që në rastin më të parë përtej kufijve do ta them me shumë krenari në shqip ” Jam krenare qe jam shqiptare!”… E kam bërë në të gjithë rrugëtimin tim në fakt që kur isha e vogël dhe shkoja në Greqi tek babai im emigrant; të tërë mundoheshin të fshihnin identitetin; unë refuzoja ta bëja… Dhe kam vijuar të përçoj më të mirat vlera të Shqipërisë time të bukur në çdo kënd të botës me të cilin puna apo jeta më kanë lidhur!
I detyrohem shumë Shqipërisë dhe shqiptarëve që më bënë kjo që jam!
Vazhdoj normalisht jetën në Tiranë por me një qasje globale që thjesht kapërcen kufijtë e vendit tonë, por me rrënjët në Shqipëri gjithmonë, aty ku punoj dhe kam ndërtuar jetën time dhe ëndrrat e mia… Nuk ka asgjë më të bukur sesa të besosh tek ëndrrat dhe të kesh pasione! Përqafime të gjithëve dhe shihemi të hënën tek @dancewithmealbania” :ka shkruar Alketa
