Kur këngëtarja Bleona Qereti publikoi para pak orësh një video, ku shfaqej duke bërë një injeksion për ngrirjen e vezëve, e vetmja gjë për të cilën u fol, ishte fakti që po shfaqte të mbathurat live për fansat.
Duke qenë se ajo po fliste anglisht në video, askush nuk po e kuptonte në fillim se çfarë po mundohej të bënte. Mos ndodhta një gjilpërë për diabetin! Pa prit, Bleona qenka sëmurë?!!
Në fakt ajo që po bënte Bleona ishte një injeksion në pjesën e mitrës, një teknikë parapërgatitore para se të kryejë atë që në gjuhën e shkencës quhet “ngrirje e vezëve” dhe përdoret për të ndaluar orën biologjike të një femre duke ruajtur vezët e saj më të reja dhe më të shëndetshme.
Për shumë gra që kërkojnë të zgjasin vitet e tyre të lindjes, teknika e ngrirjes së vezëve është bërë një opsion gjithnjë e më tërheqës.
Pavarësisht nga rritja e numrit të femrave që zgjedhin të ngrijnë vezët e tyre, shumë femra, veçanërisht në Shqipëri nuk e kanë idenë se çfarë përfshin ky proces. Për të dhënë njëfarë qartësie mbi këtë temë, ne do t’ju themi disa gjëra që çdo grua duhet të dijë përpara se të marrë vendimin për të ngrirë vezët.
Çfarë është ngrirja e vezëve?
‘Ngrirja e vezëve’, është një teknikë e përdorur për të ruajtur pjellorinë e një gruaje. Më konkretisht, ngrirja e vezëve është një teknikë e re riprodhimi e asistuar që mundëson nxjerrjen dhe ngrirjen e vezëve të një gruaje. Në shumë raste kjo bëhet në mënyrë që ajo të vonojë amësinë. Kur gruaja është e gatshme të bëhet një nënë, vezët mund të shkrihen dhe të kthehen në mitër si embrione, përmes një procesi të quajtur Fertilizim In vitro (IVF).
Përse duhet ta marrësh në konsideratë?
Me kalimin e kohës, pjelloria e një gruaje zvogëlohet për shkak të plakjes së vezoreve të saj. Jo vetëm që bëhet gjithnjë e më e vështirë për një grua të krijojë familje, por shanset e saj për të pasur një fëmijë të shëndetshëm janë gjithashtu të pakta.
Gratë që zgjedhin të shtyjnë shtatzëninë për të ndjekur një karrierë ose qëllime të tjera personale duhet të marrin parasysh gjithashtu ngrirjen e vezëve, pasi ajo duhet të ofrojë një shans më të madh për të patur një shtatzëni të suksesshme dhe një fëmijë të shëndetshëm në qoftë se ato presin të përdorin vezët e tyre gjatë moshës 40-vjeçare.
Ngrirja e vezëve gjithashtu mund të jetë e dobishme për gratë që kanë kaluar sëmundje që i kanë ndaluar ato të kenë fëmijë, siç është kanceri. Trajtimi i lejon gratë të shtyjnë shtatzëninë derisa të jenë shëruar plotësisht nga sëmundja e tyre ose deri sa të jenë të shëndetshme për të pasur një fëmijë.
Kur është koha më e mirë për të ngrirë vezët?
Mjekët rekomandojmë që gratë të ngrinë vezët e tyre në mënyrë ideale para se të arrijnë moshën 35 vjeç. Ky është fundi i viteve të riprodhimit kryesor të një gruaje, kështu që vezët e saj zakonisht janë me cilësi dhe sasi të mirë.
Sa më e re të jetë një femër, aq më mirë është shkalla e mbijetesës dhe cilësia e vezëve – dhe zakonisht, aq më i lartë është niveli i shtatzënisë.
Pacientët gjithmonë duhet të jenë të vetëdijshëm se ngrirja e vezëve nuk garanton një shtatzëni dhe shkalla e suksesit ndryshon shumë në përputhje me moshën që ka pasur femra kur vezët e saj janë ngrirë.
Përshtatur nga: Evening Standard
