Dhimbja e fytit dhe kolla janë edhe më të zakonshme në këtë periudhë. Dietologia Blerina Bombaj sugjeron një recetë pije e cila përdoret shumë në Greqi.
Rakomelo është recetë tradicionale e Kretës, e cila ndihmon rrugët e frymëmarrjes nga ftohjet në dimër. Është mëse e thjeshtë për t’u përgatitur:
Përbërësit:
5 filxhanë raki
1 filxhan mjaltë
5 karafila
1 shkop kanelle
Përgatitja:
Vendosni në zjarr të ulët rakinë, mjaltin dhe erëzat. I përzieni dhe pak para se rakia të vlojë, hiqeni nga zjarri. Mund ta shoqëroni me gështenja të pjekura.
Konsumoheni me masë, gjithsesi më shumë se një teke nuk mund të quhet në dobi të shëndetit.
